AJÉPA RO’Y

AJÉPA RO’Y

Ohai: David Galeano Olivera

Leer original (hacer clic) en (http://cafehistoria.ning.com/profiles/blogs/aj-pa-ro-y)

Leer también en (http://lenguaguarani.blogspot.com/2016/06/ajepa-roy.html)

Asimismo leer en (https://dgaleanolivera.wordpress.com/2016/06/08/ajepa-roy/)

I

Pyhare

Ho’ysâ, ro’yeterei

Yvytu oipeju

Che mba’yrumýime

Mbeguemi aju

Ho’ysâ añandu

Avave ndaipóri

Tape inandíma

II

Pyhare kirirîme

Tape ojoasahápe

Mba’yrukuéra pahápe

Apyta aha’ârô

Upépe ahecha

Ou che rendápe

Mitâ pynandi

Ao vevuimíre

Oipysóvo ijyva

Osêma he’i

“Ajépa ro’y”

Virumi arekóva

Chupe ame’ê

“Neñópa reime”

Aporandu chupe

“Che mamándi aime”

Chéve ombohovái

Ha pya’e porâ

Oho ome’ê

Virumi isýpe

Ha upe jave

Cherehe omaña

Ha ipomi ohupi.

Amaña yvate

Ahecha hendy

Pytâ, sa’yju… hovyû

Ha ambojoapy

Che jeho kane’ô

III

Aha mbykymi

Ha chepype añandu

Oî chejokóva.

Upépe aguejy

Aike ñemuhâme

Ajogua kamby,

Mbujape, yva,

Mba’e he’êmíva

Ha ao aku.

Ajevy pya’e

Mokôive rendápe

Pya’e chekuaa

Mitâ porâite

Tuichaite ovy’a

Ha ijaguara

Upéva ahechávo

Che py’a hory

Ha upégui ajeívo

Isy, pukavýpe,

Chéve osê he’i

“Dio se lo pague,

Che karai”.

Ajupi ha aju

Che mba’yrumíme

Namombyryvéima,

Aĝuahêmbotáma.

Ho’ysâ añete

Ha jepémo upéicha

Añeñandu porâ

ooo000ooo

Leer TEKOHA, en (http://lenguaguarani.blogspot.com/2016/06/tekoha-medio-ambiente.html)