TEREĜUAHÊPORÂITE… PAPA FRANCISCO

TEREĜUAHÊPORÂITE… PAPA FRANCISCO

BIENVENIDO… PAPA FRANCISCO

Ohai: David Galeano Olivera

Leer original (hacer clic) en (http://cafehistoria.ning.com/profiles/blogs/tere-uah-por-ite-papa-f…)

Leer también en (http://lenguaguarani.blogspot.com/2015/07/tereguaheporaite-papa-fra…)

I

Papa Francisco,

Tereĝuahêporâite…

Paraguaýngo nde róga

Ha oréngo nderayhuhára.

Ore maitei horyvéva

Ndéve romoĝuahê

Ko’ápeko rejuhúta

Tekove hechapyrâva

Kunu’ûme ne anuâva

Ha añetete nderayhúva.

Vy’apópe ndéve ro’e

Aguyje orerendúre

Rejúre ore apytépe

Py’arory remyasâivo.

Repyrûvo ko yvy

Pytâ, morotî, hovýva

Hi’â reñandu pypuku

Pe mborayhu tuichaitéva

Nderehe akói roñandúva

Nde ha’égui yvypóra

Arandu, rekopotîva

Ápe ha pépe eme’êva

Vy’a ha py’aguapy.

Upévare, ndéve ha’e:

Papa Francisco,

Tereĝuahêporâite…

Paraguaýngo nde róga

Ha oréngo nderayhuhára.


II

Ndéngo orekuaa

Jepive rehovasámi

Ha akóinte reipytyvômi

Maymave ore retâyguápe

Ko’águi osê ha ohóva

Teko porâve rekávo.

Argentina-pe reikórô

Reikuaa ore rembiasa,

Reikuaa ore remiandu,

Reikuaa ore py’arasy,

Ha vy’arâ oî jave

Revy’a orendive.

Hetaite reju, reho

Ore retâygua rekoha rupi

Tetia’e ha pukavýpe

Re’andu ore pehênguépe.

Rekay’u, reterere,

Rehendu ore purahéi

Ha reñe’ê ore ñe’ême

Rehayhu ore reko

Remomorâ ore retâ

Tuichaite remomba’e

Kuña Guarani pyapy

Upéichante avei

Opavave oikuaa

Heta ára ko’ême

Ne ñembo’e rehupiha

Tupâsy Ka’akupépe.

Sa’i oî ndeichagua

Ndéicha ipy’aporâva

Ipomi ombohasáva

Paraguay ñemoñarépe

Ani haĝua oñandu

tyre’ŷ ha ñemboyke.

Ndéngo orekuaa

Jepive rehovasámi

Ha akóinte reipytyvômi

Maymave ore retâyguápe

Ko’águi osê ha ohóva

Teko porâve rekávo.

III

Hasypeve Tupâo

Ojuhu huvicharâ

Kuimba’e joheipyre

Ha hekojejapo’ŷva

Añetehápe oipykúiva

Hesukirito rape.

Ndéngo Pápa Francisco

Karai Marangatu

Orejeroviaha

Eñeha’âva emombarete

Vy’a tyre’ŷrângue

Py’aguapy ñorâirôrângue

Jekupyty ñemboykerângue

Tekojoja pokarêrângue

Tekopotî tekoky’arângue ha

Mborayhu tekoñañarângue

Ko’â mba’e porâita

Regueropojái opavavépe

Ha ndaha’éi ñe’êreínte

Ndaha’éi ñemongele’énte

Umíva umi mba’e

Hoky ne apytu’ûme,

Hokypu ne korasôme,

Ha rehechauka nde rekovépe

Reipótagui maymave

Jaiko oñondivepa

Kunu’û ha mborayhúpe

Jahechápa peichahápe

Tekokatu ñande’aho’i.

Hasypeve Tupâo

Ojuhu huvicharâ

Kuimba’e joheipyre

Ha hekojejapo’ŷva

Añetehápe oipykúiva

Hesukirito rape.

9 jasypokôi 2015 – Chemandu’ávo che rúre

ooo000ooo

Leer ENCÍCLICA LAUDATO SI DEL PAPA FRANCISCO: PUNTOS PRINCIPALES, EN GUARANI, en (http://lenguaguarani.blogspot.com/2015/06/enciclica-laudato-si-del-…)

Leer PÁPA FRANCISCO, GUARANÍME, en (http://cafehistoria.ning.com/profiles/blogs/p-pa-francisco-guaran-me)

Leer PÁPA FRANCISCO – VIKIPETÂ, en (https://gn.wikipedia.org/wiki/P%C3%A1pa_Francisco)

Leer ORACIÓN AL PAPA FRANCISCO, GUARANÍME, en (http://cafehistoria.ning.com/profiles/blogs/oraci-n-por-la-visita-d…)

Ver ORACIÓN AL PAPA FRANCISCO, GUARANÍME – YOUTUBE, en (https://www.youtube.com/watch?v=_qMqmIVnKCE)

Leer PAPA FRANCISCO: NO LLORES – ANI NERASÊ, en (http://cafehistoria.ning.com/profiles/blogs/no-llores-ani-neras-pap…)

Leer PAPA FRANCISCO: NO TEMAS – ANI REKYHYJE, en (http://cafehistoria.ning.com/profiles/blogs/p-pa-francisco-no-temas…)

Leer EL DECÁLOGO DEL PAPA FRANCISCO, GUARANÍME, en (http://cafehistoria.ning.com/profiles/blogs/el-dec-logo-del-papa-fr…)

ooo000ooo

Leer PADRE NUESTRO, GUARANÍME – ORE RU, en (http://cafehistoria.ning.com/profiles/blogs/padre-nuestro-en-guarani)

Ver PADRE NUESTRO, EN GUARANI – ORE RU – YOUTUBE, en (https://www.youtube.com/watch?v=bwiCrKDfUU8)

ooo000ooo

 

ooo000ooo

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s