TANEKO’ÊPORÂITE – ¡BUEN DÍA!

TANEKO’ÊPORÂITE

Ohai: David Galeano Olivera

Leer original (hacer clic) en (http://cafehistoria.ning.com/profiles/blogs/taneko-por-ite-buen-d-a)

Leer también en (http://lenguaguarani.blogspot.com/2015/02/tanekoeporaite-buen-dia.html)

I

Taneko’êporâite.

Epáyke tetia’épe

Ha esêmi emaña

Mba’éichapa kuarahy

Mbeguekatu iñapysê

Yvytu piro’y pytu

Tande’aho’i kangymi

Guyramimi purahéi

Nde apysa tombohory

Ha yvoty opaichagua

Tombojegua nde resa

Ára pyahúngo iporâ

Ndaipóri imbojojaha

Ha emañávo yvate

Yvága remomorâvo

Eme’êke aguyje

Reikovejeýre ko ára.

II

Taneko’êporâite.

Epáyke tetia’épe

Ha eñañuâ pukavýpe

Nde rogaygua

Maymavépe.

Ára pyahu porâite

Eguerovy’a opavavéndi.

Nde róga tahenyhê

Kunu’û ha mborayhúgui

Py’aguapy ha tesâigui.

Eikóke py’arorýpe

Ha akóike emomaitei

Maymave nde rapichápe.

Anietéke repu’â

Tovasy ha kaiguemíre

Umívango naiporâi

Nde rekove ombopohýita,

Upévareke akói

Nde rekópe taipoty

Puka ha kyre’ŷ.

Upéichaite rejapórô

Ne ánga hesâkavéta,

Omimbi ha ojajaivéta.

III

Taneko’êporâite.

Epáyke tetia’épe

Ha nde rekoha rupi

Eguatávo

Eipopyhy opavavépe

Ha nde korasô

Ruguaitégui

Ñe’ê porâ enohê

Ha ehekuavo

Eikoha rupi

Ha oimérô kuehe

Py’arasy nde’aho’i

Epáyvo kóva,

Ko árape,

Eñeha’â embogue

Pe mba’e nemyangekóiva.

Embohory ne ñe’â,

Embopyahu nde reko.

Epáyke tetia’épe

Ha eme’ê aguyje

Reikovejeýre ko ára

Ha… taneko’êporâite.

ooo000ooo

Leer CERRAR EL CÍRCULO PARA EMPEZAR OTRO, en (http://cafehistoria.ning.com/profiles/blogs/cerrar-el-c-rculo-para-…)

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s