MBO’EHÁRA REKOKATU

MBO’EHÁRA REKOKATU

Ohai: David Galeano Olivera

Leer original (hacer clic) en (http://cafehistoria.ning.com/profiles/blogs/mbo-eh-ra-rekokatu)

Leer también en (http://lenguaguarani.blogspot.com/2014/04/mboehara-rekokatu.html)

 

I

Mbo’ehára katupyry,

Tekove techapyrâ,

Marangatúgui nerenyhêva

Ndaipóringo ndeichagua.

Akóinte remba’apóva

Remoarandu tapichápe

Ijehegui oiko haĝua

Tekosâso ha vy’ápe

Ojeko’ŷre avavére ha

Itenondevévo yvy apére.

Mbo’ehára katupyry

Tekove techapyrâ

Marangatúgui nerenyhêva

Ndaipóringo ndeichagua.

 

II

Ne apytu’û ipyrusu

Henyhê mba’ekuaágui

Itajúgui hepyvéva

Ápe ha pépe okukúiva

Tapichakuéra apytépe

Oikóva nde rapykuéri

Nderupytyséva kuaápe.

Pukavy ha tetia’épe

Reme’ê kane’ô’ŷre

Opa mba’e reikuaáva

Nanerakate’ŷi mba’evére.

Ne apytu’û ipyrusu

Henyhê mba’ekuaágui

Itajúgui hepyvéva.

 

III

Ne rembiapóngo hepy,

Ndaipóri imbojojaha

Viru jepe hese ne’irâ ipu’akapa

Ko’êmíre reipykúi

Mbo’ehao rapemi

Ha upépe py’arorýpe

Rehesape’a mitâmimi

Jahechápa upe rire

Ikatupyry ha hesâi

Hekopotî ha ipyapy

Ñane retâ omongakuaa haĝua

Ne rembiapóngo hepy,

Ndaipóri imbojojaha

Viru jepe hese ne’irâ ipu’akapa.

 

IV

Mbo’ehára rekokatu

Mba’e porâ apoha

Ndévengo añakâity

Ha che aguyje ame’ê

Embohasáre nde po

Okaraygua ha távayguápe

Mitâva ha kakuaápe

Mboriahu ha poguasúpe

Ere’ŷre ndaikatúi.

Tupâme ajerure

Tohesape nde rape

Ha tanemyenyhê mborayhúgui

Mbo’ehára rekokatu

Mba’e porâ apoha

Ndévengo añakâity

Ha che aguyje ame’ê

 

 

¡HETA VY’APAVÊ MBO’EHÁRA!

Emoñe’ê DÍA DEL MAESTRO, GUARANÍME, ko’ápe (http://cafehistoria.ning.com/profiles/blogs/dia-del-maestro-guaranime)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s