KUÑA MBORIAHU, MBA’APOHÁRA

KUÑA MBORIAHU, MBA’APOHÁRA

Ohai: David Galeano Olivera

Leer original (hacer clic) en (http://cafehistoria.ning.com/profiles/blogs/ku-a-mboriahu-mba-apoh-ra)

I

Asaje pyte

Kuarahy ojope

Ahecha reju

Guata kane’ôme

Remyaña rejúvo

Nde mba’yrumi

Ha remono’ô

Nde rapépe oîva

Kuatiamimi ha ambue mba’e

Remoinge nde po

Rejepovyvy

Jahechápa ytýgui

Nereguenohêi

mba’erepymi

Asaje pyte

Kuarahy ojope

Ahecha reju

II

Kuña mboriahu

Tupâ rembiguái

Ndaipo’aietéva

Haime pynandi

Ao rembyre

Rete kane’ô

Ohechaukapáma

Nemboriahuha.

Mokôi ne memby

Nde rapykuerépe

Oguata kangy

Ndoikuaaiete

Ndererekoiha hi’upyrâmi

Imba’erâkuéra

Kuña mboriahu

Tupâ rembiguái

Ndaipo’aietéva

III

Kuña imena’ŷva

Ndéniko ha’e

Kuña kuimba’e

Voi asyete

Py’a nandimíre

Resê ne tapŷigui

Tembi’u rekávo

Mba’éreiko péicha

Tupâ Ñandejára

Hesarái ndehegui

Kuña imena’ŷva

Ndéniko ha’e

Kuña kuimba’e

IV

Mba’éreiko péicha

Tupâ, Tupâsy

Penderesarái

Kuña ha’evégui

Mba’épa oime

Ojapovaíva

Ha upehaguetére

Upe kuñami

Oiko asyete

Ajepy’apy ha añeporandu

Péichapa Tupâ ha isy

Oity ipochykue

Kuña mboriahúre

Mba’éreiko péicha

Tupâ, Tupâsy

Penderesarái

Kuña ha’evégui

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s