JEIKOVEJEY – RESURRECCIÓN

JEIKOVEJEY

Ohai: David Galeano Olivera

Leer original (hacer clic) en (http://cafehistoria.ning.com/profiles/blogs/jeikovejey-resurrecci-n)

Leer también en (https://dgaleanolivera.wordpress.com/jeikovejey-resurreccion/)

Vy’apavê

JEIKOVEJEÝre

Ha’éva

Tuichaiterei

Mba’e

Maymávape.

Jeikovejeyrâ

Tekotevê

Ñamano,

Ñamongu’i,

Ñamongusugue

Tekovai,

Tekotevê

Jaheja

Tapykuépe,

Tesaráipe

Ñande

Reko

Aña.

Tenondete

Ñanemongarai

Hikuái

Ýpe ha

Ipahápe

Katu

Ku TUVICHA

Ñemano

Rupive

Ñanemongarai

Tatápe ha

Ijejopépe

Omoingovejey,

Ohesape,

Omyesakâ ha

Omombarete

Añetete

Ñane

ánga ha,

Iporâvéva,

Ombopyahu

Ñande

Rekove.

Jaroviava’erâ

Upe

Mba’e

Añeteha,

Ñambopyahuha

Ñande

Rekove,

Ŷramo

Vyroreiete

Jeikovejey

Ñamoañetéta

Ñamongusuguérô:

Tekomarâ

Ñaña

Py’aro

Tarova

Ñeko’ôi

Royrô

Ñokarâi

Ñopichâi

Juruky’a

Nupâ

Kyhyje

Jeguaru

Tekotuju

Vy’a’ŷ

Tyre’ŷ

Py’amirî

Py’aju

Py’aropu

Py’atytýi

Ai

Tyai

Mbyai

Ñembyai

Japu

Jejahéi

Kaguai

Ñemboyke

Mbaretereko

Chentese

Ñe’êmbegue

Ñorairô

Vare’a

Mboriahu

Teko’asy

Andu’ŷ

Mba’embyasy

Temimbyasy

Tovamokôi

Jerovu

Jehechaukase

Apo’i

Jejapo

Monda

Juka

Tavy

Mbotavy

Ñembotavy

Pokarê

Ñe’êrei

Ñe’êmeĝua

Tovasy

Tovapete

Jurupete

Pokua

Pykua

Ñesû

Pomoî

Angaipa

Angatâ

Apañuâi

Myangekôi

Pytû

Ñakâity

Mba’asy

Jeikovejeýpe

Ñamoingovejey ha

Ñamombareteva’erâ:

Marangatu

Tekokatu

Tekojoja

Aguyje

Vy’a

Vy’apavê

Tesape

Katupyry

Akâguapy

Kyre’ŷ

Tetia’e

Saraki

Tory

Jekupyty

Mborayhu

Andu

Añete

Kunu’û

Tekombo’e

Mba’ekuaa

Arandu

Pyapy

Py’aguapy

Py’aporâ

Py’aguasu

Joaju

Popyhy

Puka

Pukavy

Tyĝuatâ

Tekosâso

Tekorenyhê

Tekoporâ

Tekopotî

Tekosakâ

Jehecharamo

Jehechakuaa

Momba’eguasu

Jepytaso

Jerovia

Ñyrô

Pysyrô

Tesâi

Iporâiteva’erâ

Opavave

Ñañeha’ârô ha

Ñambopyahujey

Ñande

Rekove ha

Upevarâ

Tekotevê

Ñañotŷ

Ñane

Korasôme

Mborayhu

Roky ha

Tokakuaa ha

Taimbarete

Ñande

apytépe.

Mborayhu

Nomanova’erâi

Araka’eve.

Péva

Ha’e

Ñanemoingovejeýva.

Kuarahýicha

Iko’êva’erâ

Ñanendive ha

Ñanembopy’aroryva’erâ.

Mborayhupópe

Ñañangareko ha

Jahayhuva’erâ

Ñane

Pehênguépe.

Mborayhupópe

Ñañangareko ha

Jahayhuva’erâ

Ñande

Rekoha,

Yvóra ha

Arapy

Ha’éva

Ñande

Róga

Guasu

TUVICHA

Ome’êva’ekue

Ñandéve

Jaiko

Haĝua

Teko

Porâve ha

Vy’apavê

Rekávo

Ára

Paha

Peve.

Arapokôindy Marangatu, 31 jasyapy 2013

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s