ITAIPÚPE AMBA’APOSE

ITAIPÚPE AMBA’APOSE
Ohai: David Galeano Olivera

Leer original (hacer clic) en (http://cafehistoria.ning.com/profiles/blogs/itaip-pe-amba-apose)

Leer también en (http://lenguaguarani.blogspot.com/2014/10/itaipupe-ambaapose.html)

I

Akokuehe herakuâ

Ápe ha pépe iñasâi

Itaipugua marandu

Omombe’úva mba’éicha

Upepegua oiko porâ

Virúgui henyhête

Orekoséva oreko

Ndoikuaái tekotevê

Ajépango iporâite

Upeichagua tekove

Ndereikuaái jejopy

Reikoseháicha reiko

 

II

Mba’eve guasu ndojapói

Koty piro’ýpe oiko

Omimbi, Ojajaipa

Teko asy ndoikuaái

Jasy paha oĝuahêvo

Vosa guasúpe oraha
Hetaite pirapire.

Upépe omba’apóva

Ndoikuaái mbyry’ái

Hoga porâ kakuaa

Imba’yrumýi hepy hepy

Ijao kate kate

Ijyvy heta heta
Ha’ekuéra niko

Ñandejara’i ko yvy ári

Ndaipóringo ijoguaha

III

Mombyrymígui amaña
Che resapo hesekuéra

Che py’apýpe ha’e
Itaipúpe amba’apose

Ha upéicha tamoañete

Che kerayvoty tujaite

Oikohápe chehegui

Kuimba’emi poguasu

Ha péicha… pya’e porâ

Che rekovegui togue

Tekotevê opaichagua

Jejopy ha mboriahu

IV

Aretéma niko ambo’e
Ha akóinte chemboriahu

Ko’ê pyhare peve

Itavývaicha amba’apo

Ha peichavérôjepe

Ára ha ára ohasáva

Mboriahúpe akakuaa

Hetaitémango aiko asy
Ha ndahupytýi mba’eve
O
ĝuahêvo jasy paha

Chepopa’â virumíre

Ha ñaimo’â ku isŷiva

Sapy’aitépe osyry

Ahecha’ŷre ohopa

Chesogueve apytávo

Ha vokóike ahekajeýma

Pe máva ipy’aporâva

Chéve oipurukakuaáva

Pirapire michîmi

Jahechápa ahupyty

Ambue jasy paha.

Upévarengo péicha aiko

Chetavyete, cheakâraku

Che páy, che képe ahecha
Itaipúpe amba’apoha

Ha asêha mboriahúgui

Katégui napyrûmbai

V

Añepyrûma aheka

Che angirûkuéra apytépe

Jahechápa ajuhu

Che painorâ imbaretéva

Kolo’o térâ chovy

Ikatútava cheraha

Ha chemoinge Itaipúpe

Ha upépe py’aguapýpe

Jasy paha oĝuahêvo

Che avei tambyaty

Pirapire hetami

Ha péicha tahupyty

Ku ijapyra’ŷva vy’a.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s