HOY EL ATENEO DE LENGUA Y CULTURA GUARANI CUMPLE 26 AÑOS

REPÚBLICA DEL PARAGUAY

ATENEO DE LENGUA Y CULTURA GUARANI

GUARANI, MERCOSUR ÑE’Ê TEETE

26 AÑOS DEL ATENEO Y 95 NUEVOS LICENCIADOS

Leer original (hacer clic) en: http://cafehistoria.ning.com/profiles/blogs/hoy-el-ateneo-de-lengua…

 
Hoy, viernes 23 de setiembre de 2011, el ATENEO DE LENGUA Y CULTURA GUARANI cumple 26 AÑOS DE VIDA. Heñói guive ATENEO ogueroguata heta tembiapo ñane Avañe’ê rayhupápe oipotágui ko’ê ko’êre ñane ñe’ê Guarani ojekuaaporâve, ojehayhuve, ojepuruporâve ha taitenondeve ñane retâ ha ambue tetâ rupi.

 

 

Como parte de la recordación de tan grata fecha, hoy a las 16 hs, en la Sede Central del ATENEO DE LENGUA Y CULTURA GUARANI (Julia Miranda Cueto 1721 entre Ytororô y R.I. 3 Corrales – Zona Sur, Fernando de la Mora) tendrá lugar el ACTO DE GRADUACIÓN DE LA LICENCIATURA EN LENGUA GUARANI. De la ceremonia participarán egresados de las diversas Regionales del ATENEO diseminadas por todo el país. Pe aty guasu ñeñepyrûme ojepurahéita ñane retâ purahéi guasu. Upéi, oñeme’êta kuatia’atâ Mbo’ekuaahára pyahúpe. Ipahápe, David Galeano Olivera, ATENEO Motenondehára; ohendukáta hemiandu. Umi omohu’âva imbo’esyry ha’ehína ko’â tavapegua: Fernando de la Mora, Horqueta, 1º de Marzo, Villarrica, Ka’aguasu, Juty, Encarnación, San Pedro del Parana, Edelira, Santa Rosa – Misiones, Paraguari, Ciudad del Este, Minga Guasu, Itaipyte, Mariano Roque Alonso, Asunción-Santísima Trinidad, Ñemby, San Lorenzo, Pilar, Kuruguaty, Puente Kyha ha Iturbe. Esta promoción está constituida por 95 nuevos Licenciados en Lengua Guarani.

 

 

ACTA FUNDACIONAL DEL ATENEO

23 DE SETIEMBRE DE 1985

KUATIA PETEÎHA – ACTA Nº UNO

      Paraguaýpe, Paraguái retâ tavaguasúpe; ojapórô mokôipa mbohapy ára jasyporundygua, ary su porundysa poapypa pópe.

 

Instituto Superior de Lenguas, opytáva tape Mariscal Estigarribia ha Estados Unidos-pe, oñembyaty hikuái mbo’ehakotýpe, mokôipa aravo guive, umi temimbo’ekue ha temimbo’e oñemoarandúva gueteri Guarani ñe’ême ko mbo’ehaovusúpe, ikatuhaĝuáicha omoheói peteî aty.

 

Oîkuri upérô, mbo’ehára Pedro Moliniers ha Natalia Krivoshein de Canese, temimbo’ekue rérape; mbo’ehára Celsa Dávalos de Céspedes, mbo’eharakuéra rérape. Avei, Cristobal Campuzano, Catalina Mena Amarilla ha Miguel Angel Ruíz Díaz, mbo’esyry peteîha rérape; María Elvira Martínez de Campos ha Lida Concepción Peralta, mbo’esyry mokôiha rérape. Ha Lorenza Cuevas Sánchez, Susana González V., Juana Ascenciona Arrúa, María Eva Mansfeld de Agüero ha David A. Galeano Olivera, temimbo’ekuéra mbo’esyry mbohapyhapegua.

 

Oje’e’akue upe pyharépe, oñemoheñoiseha peteî aty omba’apo haĝua Guarani ñe’ê rehehápe, ikatuhaĝuáicha ko’ê ko’êre ojekuaaporâve, ojepuruve, ojehayhuve ha taitenondeve ñane retâpýpe. Oîva guive pe atýpe oguerohoryjoákuri ko temiandu ha ome’ê hikuái iñe’ê oñeha’âtaha omba’apo kyre’ỹ ha mbarete Guarani ñe’ê rehe.

 

“Guarani Rayhupápe”, ha’e pe ñe’ê poravopyre ojepurútava oñembyaty haĝua ko aty jerére mayma Guarani ñe’ê rayhuharakuérape.

 

Avei, ojeporavo peteî téra ko atýpe ĝuarâ ha oñeĝuahê peteî ñe’ême oñembohero haĝua: ATENEO DE LENGUA Y CULTURA GUARANI, UNIVERSIDAD NACIONAL DE ASUNCIÓN-pegua.

 

Upe rire ojeheka máva mávapa umi ikatútava omotenonde ko aty pyahuete; ha jeporavo rire, opyta ATENEO DE LENGUA Y CULTURA GUARANI motenondeharakuérarô, ko’âva:

1.- Motenondehára: David A. Galeano Olivera

2.- Motenondemyengoviahára: María Elvira Martínez de Campos

3.- Pytyvôhára: María Eva Mansfeld de Agüero

4.- Virumono’ôhára: Cristobal Campuzano

5.- Pytyvohára pepirû rehegua: Lorenza Cuevas Sánchez

6.- Mbo’esyry mbohapyha rérape oîva: Susana González V.

7.- Mbo’esyry mokôiha rérape oîva: Lida Concepción Peralta

8.- Mbo’esyry peteîha rérape oîva: Catalina Mena Amerilla

9.- Temimbo’ekue rérape oîva:         Pedro Moliniers

Natalia Krivoshein de Canese

10.- Mbo’eharakuéra rérape oîva: Celsa Dávalos de Céspedes

 

Ipahápe, oje’ékuri ojejapotaha peteî aty guasu, ára mbohapypa jasyporundyguápe, ikatuhaĝuáicha omoñepyrû upépe hembiapo ko ATENEO DE LENGUA Y CULTURA GUARANI-UNA. Upe mboyve, motenondeharakuéra ojapóta peteî aty’i ohecha haĝua mba’e mba’épa oñeikotevêta ha ojejapóta upe aty guasúpe.

 

Oñemopu’â ko aty mokôipa aravo mbohapypa aravo’i jave.

 

(Omoî hikuái heraguapy ko kuatia peteîháre, umi omoheñoi’akue ATENEO DE LENGUA Y CULTURA GUARANI-UNA).

 

 

Maitei horyvéva opavavépe

 

David Galeano Olivera

(ATENEO Motenondehára)

davidgaleanoolivera@gmail.com

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s