CHE RU, CHE RECHAPYRÂ

CHE RU, CHE RECHAPYRÂ

Ohai: David Galeano Olivera

Leer original (hacer clic) en (http://cafehistoria.ning.com/profiles/blogs/che-ru-che-rechapyr)

Leer también en (http://lenguaguarani.blogspot.com/2014/06/che-ru-che-rechapyra.html)

I

Kuimba’e pyapy
Rekopy potî
Nde ha’e che ru

Che rechapyrâ.

Romomorâségui

Ndéve aropojái

Ñe’ê apesâmi

Che ñe’âkuaitépe

Opupu, oñehêva,

Vy’apópe osêva

Ndéve ĝuarâite.
Kuimba’e pyapy
Rekopy potî

Nde ha’e che ru

Che rechapyrâ.

II

Nde niko che ru
Túva ijoja’ŷva

Ha imarangatúva.

Akóinte reikóva

Rejepy’apy

Nde ra’y, nde rajy

Ha nde rogayguáre

Aniete haĝua

Araka’eve

Oiko itîndy

Ha ohasa asy,

Reipota uvei

Maymave oikopa

Tesâi ha vy’a,

Taimba’ekuaa

Mborayhu poguy

Ha py’aguapýpe

Nde niko che ru

Túva ijoja’ŷva

Ha imarangatúva

III

Reime, reime’ŷrô

Che romomorâ

Ha romomba’e

Akói roñandúre

Chemoirûmiha

Iporâ jave

Ha nde po akumi

Chéve reipyso

Teko asy jave.

Opaite mba’e

Ypy ha pahápe

Ne ra’ângami

Vevúi che aho’i.

Opa umi mba’ére

Nde ha’e che ru

Che rechapyrâ.

Reime, reime’ŷrô

Che romomorâ

Ha romomba’e

IV

Ñande Rupavême

Péina ajerure

Tanderovasa

Ha py’aguapy

Ndéve tome’ê

Ha Tuvichavetéicha

Toisâmbyhymi

Ko ore rekove

Anianga ro’a

Tape ipytû

Ha ñaña poguýpe

Ha upe aja

Toroiko porâ

Roheka aja

-Rojuhu peve-

Aguyje rape.

Ñande Rupavême

Péina ajerure

Tanderovasa

(Ahechakuaávo che ru: Abdón Galeano Benítez-pe –

En memoria de mi padre: Abdón Galeano Benítez)

ooo000ooo

Leer TÚVA ÁRA – DÍA DEL PADRE, en (http://cafehistoria.ning.com/profiles/blogs/tuva-ara-dia-del-padre)

Leer PERSECUCIONES, TORTURAS Y ASESINATOS POLÍTICOS NUNCA MÁS, en (http://cafehistoria.ning.com/profiles/blogs/persecuciones-torturas-y)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s